كتب الشاعر المبدع حسن الشوان قصيده بعنوان بلا عنوان
........... بلا عنوان ..............
ملامحك أقوي من أي كلام
والتاريخ كل يوم بيزيد
وحقك في رقبة كل الحكام
وصمت الصورة تنهيد
وتعبيرات وجهك كلها ألام
وبسمتك كلها وعيد
ومشاعر النخوة بقت رخام
ورعشة الحجر بتزيد
وفي عز البرد واقف همام
والواقع مرار وبليد
وطفولتك راحت ف الإنقسام
والبرد علي الخدود
وهدمووا بيتك وعشت الظلام
ومأواك بقت الحدود
الغيطان إتدمرت بغشم النبالم
والزرع بقي تجاعيد
والأرض بتصرخ من كتر الألام
لما إندفن فيها الوليد
و الطفولة بقت علامة إستفهام
وكل حساب له مواعيد
وإتنزعت من القلوب كلمة حرام
والتمن بيدفعه الحضيض
وأرض العرب بقت مسرح الغام
ودم العربي بقا جليد
............................................
......... حسن الشوان ...............
تعليقات
إرسال تعليق